*तिरोडा राष्ट्रवादी काँग्रेस पक्षाची महत्वाची आढावा बैठक संपन्न..!*
तिरोडा
आज दिनांक १५ जानेवारी २०२४ रोजी तिरोडा येथिल राष्ट्रवादी काँग्रेस पार्टीच्या जनसंपर्क कार्यालयात युवा नेते श्री रविकांत बोपचे यांच्या प्रमुख उपस्थितीत व जिल्हा अध्यक्ष श्री सौरभ रोकडे यांच्या अध्यक्षतेखाली तिरोडा राष्ट्रवादी काँग्रेस पक्षाची महत्वाची बैठक पार पडली. या बैठकीत पक्ष विस्तार, संघटन बांधणी, बूथ कमिटी व आगामी लोकसभा निवडणुक आदी विषयांवर विस्तृत चर्चा करण्यात आली. या बैठकीत जिल्हा अध्यक्ष श्री सौरभ रोकडे, युवा नेते श्री रविकांत बोपचे, कार्याध्यक्ष श्री राघवेंद्रसिंह(बाबा) बैस, महासचिव प्रतीक लांजेवार, तालुकाध्यक्ष श्री हेमराज अंबुले, गोंदिया विधानसभा अध्यक्ष श्री शेखर चामट, गोंदिया तालुका अध्यक्ष श्री खोमेंद्र कटरे, श्री रविंद्र वंजारी, श्री रजनीकांत शरणागत, श्री आशिष येरपुडे, श्री टीपू सैय्यद, श्री महेश कुकडे, श्री विनोद कुकडे आदिंसह प्रमुख पदाधिकारी व कार्यकर्ते उपस्थित होते.
*तिरोडा शहर अध्यक्ष पदी रविंद्र(पिंटू) वंजारी तर शहर कार्याध्यक्ष पदी रजनीकांत शरणागत यांची निवड*
आज युवा नेते श्री रविकांत बोपचे यांच्या प्रमुख उपस्थितीत व जिल्हा अध्यक्ष श्री सौरभ रोकडे यांच्या अध्यक्षतेखाली झालेल्या बैठकीत तिरोडा शहर अध्यक्ष व कार्याध्यक्ष पदावर नियुक्ती करण्यात आली. यामध्ये तिरोडा शहर अध्यक्ष पदाकरीता श्री रविंद्र(पिंटू) वंजारी तर कार्याध्यक्ष पदाकरीता श्री रजनीकांत शरणागत यांना जिल्हा अध्यक्ष सौरभ रोकडे यांच्या हस्ते नियुक्ती पत्र प्रदान करण्यात आले व पुढील वाटचालीच्या शुभेच्छा देण्यात आले.
या नियुक्ती कार्यक्रमाप्रसंगी आदरणीय शरदचंद्रजी पवार साहेब यांच्या नेतृत्वात कार्यरत राष्ट्रवादी काँग्रेस पक्षाची ध्येय धोरणे व पुरोगामी विचार अधिकाधिक नागरिकांपर्यंत पोहचविण्याचे व पक्षासाठी निःस्वार्थ भावनेने कार्य करण्याचे आश्वासन नवनिर्वाचित पदाधिकारी यांच्या तर्फे देण्यात आले. यासह शेतकरी, शेतमजूर व सर्वसामान्य गरीब जनतेच्या न्याय हक्कासाठी पुर्ण ताकतीने राष्ट्रवादी काँग्रेस पक्ष काम करणार असल्याचे निर्धार यावेळी करण्यात आले.