🪔🚩🌺कै. गुरुवर्य प्रकाश नारकर…🚩🪔🌺सिंधुदुर्ग किल्ले पर्यटन मधील महागुरू …

🪔🚩🌺कै. गुरुवर्य प्रकाश नारकर…🚩🪔🌺
सिंधुदुर्ग किल्ले पर्यटन मधील महागुरू …
– डॉ.संजीव लिंगवत उपाध्यक्ष,
(उपाध्यक्ष:सिंधुदुर्ग जिल्हा गिर्यारोहण संघटना,सदस्य: महावारसा समिती,कार्यकर्ता:कोकण इतिहास परिषद)

Discovery of Sindhudurg चार ध्यास घेऊन सिंधुदुर्ग जिल्ह्यातील गावागावांत पोहोचुन संशोधन करण्यासाठी सर् प्रयत्नशील होते. त्यासाठी त्यांनी वेगवेगळ्या तालुक्यातील इतिहास प्रेमी मंडळी शोधून काम करायला सुरुवात केली. वेंगुर्ले तरुण भारत कार्यालयात विजय शेट्टी यांच्या सोबत झालेल्या बैठकीत माझ्या सह वेंगुर्ले तालुक्यातील इतिहास अभ्यासक खानोलकर , प्रदिप सावंत, के. जी. गावडे, किशोर सोन्सुरकर, महेश बोवलेकर आदी मंडळी उपस्थित होती. प्रत्येकाला त्याच्या विभागातील संशोधक करण्यासाठी नारकर यांनी प्रवृत्त केलं आणि माझा इतिहास संशोधक मधील’ मांगल्याचा मठ ‘ हा पहिला संशोधनपर लेख प्रसिद्ध झाला.

त्या वीरगळीचा इतिहास शोधता शोधता सावंतवाडी येथील राजकर्ते सावंत भोसले यांचा इतिहास संपूर्ण इतिहास उलगडला आणि त्यांचे पुर्वज विजयनगरचे राजा कृष्णदेवराय यांच्या होडावडे येथील राजधानीत सरदार असल्याचे निदर्शनास आले आणि सोडावे पटेल वाडी येथील वीरगळीचा शोध मी घेतला आणि इतिहासाकडे पाहण्याचा एक वेगळा दृष्टिकोन माझ्यात निर्माण झाला. एव्हाना मी जवळपास शंभर किल्ले पाहिले होते याची नारकर सर् यांना कुठुन माहिती मिळाली देव जाणे. नंतरच्या काळात कोकण इतिहास परिषदेच्या महाराष्ट्र कार्यकारणीची सर् यांनी ओळख करून दिली .

कोकण इतिहास परिषदेच्या माध्यमातून सिंधुदुर्ग जिल्ह्याचा प्राचीन इतिहास शोधता शोधता तत्कालीन मुख्यमंत्री उध्दव ठाकरे यांच्या सोबत आमची सर् यांच्यामुळे बैठक झाली आणि सिंधुदुर्ग, विजयदुर्ग किल्ल्यांच्या पडझडी बाबतीत सर् यांनी मुख्यमंत्री यांचे लक्ष वेधले. इतिहासाचा प्रचंड अभ्यास असलेल्या या तपस्याने त्यांना मुख्यमंत्री यांनी दिलेल्या नेमक्या वेळातच पटपट सगळं कथन करुन दुरुस्ती साठी मागणी केली. स्वस्थ बसणं हे सर् यांच्या अंगात नव्हतोच! कोकण इतिहास परिषद, सिंधुदुर्ग किल्ले पर्यटन हे विषय मार्गी लावत लावत त्यांनी माझ्या सह प्राध्यापक सुरेश पाटील, प्राध्यापक मर्गज, प्राध्यापिका दिप्ती मोरे,डॉ. कमलेश चव्हाण यांच्या सहकार्याने गिर्यारोहण शिखर परिषदेच्या अंतर्गत सिंधुदुर्ग जिल्हा गिर्यारोहण संघटना उभी केली, नोंदणी केली आणि डॉ. कमलेश चव्हाण यांच्या टिमच्या सहकार्याने आंबोली येथे धाडसी गिर्यारोहण कार्यक्रम पार पाडले आणि माझ्या वैयक्तिक आयुष्याला एक वेगळा विषय मिळाला. किल्ले शोधता शोधता नांगरतास धबधब्याच्या तळाशी जाणं आणि दोरिवरुन एका पर्वतावरून दूसरा पर्वत पार करणं! सगळेच रोमांचक क्षण! शब्दबद्ध न करण्या सारखे ! दरम्यान पुरातत्व विभागाचे संपर्क वाढले. दिल्ली वरील ND TV ची मंडळी माझ्या मुलाखती साठी वेंगुर्ले शहरात दाखल झाली. विश्वास पाटील सारखे लेखक यांचं माझ्या घरी यायला लागले. इतिहास अभ्यासक म्हणून माझी सर् यांनी ओळख वाढविण्यास सुरूवात केली.

भारताच्या व महाराष्ट्राच्या कानाकोपऱ्यातून कोणी इतिहास अभ्यासक वेंगुर्ले मध्ये यायला लागले कि सर् माझ्याकडे हक्काने पाठवायला लागले. तन,मन,धन जोडत सर् तळमळीने हे सर्व कार्य करत होते. राष्ट्रिय स्वयंसेवक संघाची शिस्त सर् यांच्या अंगात होती, पण सर् यांनी कुठल्या पक्षाचे राजकारण कधी आपल्या सामाजिक कार्यात आणलं नाही कि कधी कुठल्या नेते मंडळी समोर सर् कधी झुकले नाही. परवा आमची महाराष्ट्र राज्य पर्यटन व सांस्कृतिक विभाग मंत्रालयाच्या सिंधुदुर्ग सदस्य पदी निवड झाली आणि सर् यांच्या आठवणींने डोळ्यात पाणी आलं. सर् असते तर त्यांची छाती गर्वाने अजुन फुगली असती. लिंगवत सर्, अजुन तुमचं काय वाढलं हा आता असं म्हणत सर मिश्कीलपणे हसले असते. गावराटिचा इतिहास आणि गावराटितील एकेक शब्दाचा सविस्तर इतिहास सर् यांना ज्ञात होता. सर् यांच्या कडून आम्हाला अजून खूप काही शिकायचं होतं व सर् यांना अजुन खुप काही आपल्या सिंधुदुर्ग जिल्ह्यासाठी करायचं होतं.

निर्व्यसनी, धडधाकट शरिरयष्टी असलेल्या सर् यांना गेल्या वर्षी अचानक मुंबईत किमोथेरपी साठी दाखल करण्यात आलं आणि सर् गेल्याच वृत्त कळताच पाया खालची जमीन सरकली. वेगवेगळ्या क्षेत्रात वेगवेगळे गुरू असतात पण पर्यटन, इतिहास, किल्ले, गिर्यारोहण यांच्या क्षेत्रातील महान गुरू कै. प्रकाश नारकर यांना तोंड नाही. सर्, तुमच अर्धवट राहिलेले कार्य व स्वप्न आम्ही प्रामाणिकपणे साकार करण्याचा यथोशक्ती प्रयत्न करु. सिंधुदुर्ग जिल्ह्यातील कानाकोपऱ्यातील व्यक्ती शोधून जिल्ह्याची ओळख सातासमुद्रापार नेण्यासाठी धडपडणारे आमचे गुरू कै. प्रकाश नारकर यांना गुरू पौर्णिमेच्या निमित्ताने शतशः प्रणाम! 🙏🏻🙏🏻🪔🪔🌹🌹🚩🚩