प्रतिनिधी.
गोंदिया. काँग्रेसच्या उमेदवारांच्या नावाच्या घोषणेबाबत अनेक दिवसांपासून सुरू असलेली अस्वस्थता आज संपुष्टात आली. काँग्रेसने आज महाविकास आघाडी आघाडीच्या ४५ जागांसाठी आपल्या उमेदवारांची नावे जाहीर केली आहेत. यामध्ये गोंदिया मतदारसंघातून काँग्रेसचे गोपालदास अग्रवाल यांना उमेदवारी देण्यात आली आहे.
या जागेवरून अनेक दिवसांपासून काँग्रेस आणि माविआ आघाडीतील शिवसेना यांच्यात रस्सीखेच सुरू होती. अखेर काँग्रेसने पहिली यादी जाहीर करून याला पूर्णविराम दिला आहे.
माजी आमदार गोपालदास अग्रवाल यांनी या गोंदिया मतदारसंघातून सलग तीन वेळा काँग्रेसकडून निवडणूक जिंकून हॅटट्रिक केली असून त्याआधी ते १२ वर्षे आमदार होते. विदर्भात सर्वाधिक काळ आमदार म्हणून काम करण्याचा विक्रमही त्यांच्या नावावर आहे.
2019 मध्ये गोपालदास अग्रवाल यांनी भाजपमध्ये प्रवेश करण्याची चूक केली आणि त्यांना ही जागा गमवावी लागली. 2019 मध्ये अपक्ष उमेदवार विनोद अग्रवाल हे निवडणूक जिंकून आमदार झाले. 2014 च्या निवडणुकीत काँग्रेसचे आमदार असताना गोपालदास अग्रवाल यांनी पंतप्रधान नरेंद्र मोदी यांची सभा असूनही गोंदियात काँग्रेसचा झेंडा फडकावला होता.
यावेळी पुन्हा काँग्रेसचे गोपाल भैय्या आणि भाजपचे विनोद बाबू यांच्यात चुरशीची निवडणूक होणार आहे. आता या निवडणुकीत कोण बाजी मारतो हे पाहणे उत्सुकतेचे ठरणार आहे.