प्रत्येक पूरग्रस्त कुटुंबाला ५ हजार रुपयांची तात्काळ मदत…
प्रतिनिधी. 27 जुलै
लाखांदूर :- गेल्या काही दिवसांपासून सुरू असलेल्या पावसामुळे सर्वत्र हाहाकार माजला आहे. नद्या, नाले, जलाशयांची दुरवस्था झाली आहे. भंडारा जिल्ह्यातील लाखांदूर तालुक्यातील नदीकाठच्या गावांमध्ये पुरामुळे मोठे नुकसान झाले आहे. भातशेती आणि निवासी घरांचे मोठ्या प्रमाणात नुकसान झाले आहे. पावसामुळे लावलेली पिके उद्ध्वस्त झाली, अनेकांच्या घरात पाणी शिरल्याने अनेक उपयोगी साहित्य नष्ट झाले. यावेळी आमदार डॉ. परिणय फुके यांनी जिल्हा व तालुका प्रशासनाच्या उपस्थितीत लाखांदूर तालुक्यातील पूरग्रस्त भागाला भेट देऊन शेतांची व घरांची पाहणी केली होती.
ही गंभीर परिस्थिती पाहता डॉ. परिणय दादा फुके यांनीही प्रशासनाला अपघातग्रस्तांना तातडीने आर्थिक मदत देण्याचे आदेश दिले होते. ही परिस्थिती पाहता आमदार फुके यांच्या सूचनेवरून पूरग्रस्त कुटुंबांना तातडीने मदत म्हणून प्रत्येक पूरग्रस्त कुटुंबाला ५ हजार रुपयांची मदत देण्यात आली आहे.
लाखांदूर तालुक्यातील अशा ६८१ कुटुंबांना तात्काळ मदत देत ३४ लाख ५ हजार लोकांना मदत करून ही रक्कम त्यांच्या बँक खात्यात जमा करण्यात आली आहे. डॉ.परिणय फुके यांनी दिलेला शब्द पाळत पूरग्रस्तांना थोडीफार मदत मिळाल्याने हायसे वाटत आहे.
सर्व पूरग्रस्त शेतकऱ्यांनी नुकसानीचे अर्ज सादर करावेत, जेणेकरून नुकसान भरपाई लवकरच पूरग्रस्त शेतकऱ्यांच्या बँक खात्यावर जमा होईल, असे आवाहन आमदार फुके यांनी केले आहे.